Zbutet SHBA-ja për tarifat në metale

08:38 | 8 Mars 2018
Arbresh.info

Shtëpia e Bardhë thotë se mund të ketë përjashtime në planet e SHBA-së për të vendosur tarifa në importet e metalit, duke e zbutur kështu qëndrimin e ashpër që kishte para ca ditësh.

Kanadaja, Meksika dhe vendet e tjera mund të shohin përjashtime në baza të sigurisë kombëtare, ka thënë zëdhënësja, transmeton portali arbresh.info

Presidenti amerikan Donald Trump ka thënë se produktet e çelikut do të përballen me 25 % tarifa, kurse materialet e  aluminit me 10 %.

Ndërkohë, Kina ka kërcënuar për një përgjigje të duhur dhe të domosdoshme në një luftë të mundshme tregtare me Shtetet e Bashkuara.

Ministri i Jashtëm Wang Yi tha se Kina dhe SHBA duhet të përpiqen të jenë partnerë dhe jo rivalë.

BE ka propozuar masat hakmarrëse kundër një numri të mallrave të SHBA, duke përfshirë burbonin dhe gjalpë kikiriku./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm